Plataforma asturiana
El martes 4 d’ochobre, a les 12 del mediudía, Gerardo Iglesias va declarar nel Xulgáu d’Instrucción númberu 4 d’Uviéu sobre les tortures que sufrió en tiempos de la dictadura franquista. Esto ye posible gracies al requerimientu de la xusticia arxentina col exhortu de la xueza María Servini de Cubría, que instruye la Causa 4591/10 contra los crímenes del franquismu. Gerardo Iglesias foi’l primer querellante asturianu en sumase a la conocida como Querella Arxentina, abierta nel país suramericanu ante’l bloquéu de la Xusticia española a cualquier intentu de xulgar los crímenes del franquismu.
En saliendo de los xulgaos, Gerardo Iglesias va dar una rueda de prensa acompañáu d’Ana Messuti, del equipu d’abogaos de la Querella Arxentina.
De tarde, a les 19:30 hores, nel Salón d’Actos del Colexu d’Abogaos d’Uviéu, Ana Messuti va dar una conferencia abierta al públicu col títulu de “La Causa Arxentina: les víctimes tienen la palabra”.
— La Comuna d’Asturies lacomunadasturies@gmail.com
cartel-charla-causa_arxentina_victimes_tienen_palabr